ନୟାଗଡ଼, (ଓଡ଼ିଶା ଲେଖା): ଜଙ୍ଗଲି ବାରହା ଆକ୍ରମଣରେ ଜଣେ ମହିଳା ଗୁରୁତର ହୋଇଥିବା ଜଣାପଡ଼ିଛି । ମହିଳା ଜଣଙ୍କ ହେଲେ ସବିତା ସେଠୀ । ମହିଳା ଜଣଙ୍କ ଚିକିତ୍ସା ପାଇଁ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରଯାଇଛି । ସୂଚନାନୁସାରେ, ନୟାଗଡ଼ ଜିଲ୍ଲା ମହିପୁର ବନାଞ୍ଚଳ ଅନ୍ତର୍ଗତ ବଲଣ୍ଡା ଗ୍ରାମର ସବିତା ସେଠୀ ପ୍ରତ୍ୟେକ ଦିନ ପରି ଆଜି ସକାଳୁ ନିତ୍ୟକ୍ରମ କରିବା ପାଇଁ ନିକଟସ୍ଥ ନଦୀକୁ ଯାଇଥିଲେ । ନଦୀ ନିକଟରେ ଶୌଚ ହେବାକୁ ଯାଉଥିବା ବେଳେ ବୁଦାରେ ନିକଟରେ ଥିବା ଏକ ଜଙ୍ଗଲି ବାରହା ମହିଳାକୁ ଦେଖି ତଡ଼ି ତଡ଼ି ଆକ୍ରମଣ କରିଥିଲା ।
ମହିଳାଙ୍କ ଚିତ୍କାର ଶୁଣି ସ୍ଥାନୀୟ ଲୋକ ଆସି ମହିଳାଙ୍କୁ ବାରହା ପାଖରୁ ଉଦ୍ଧାର କରି ଜିଲ୍ଲା ମୁଖ୍ୟ ଚିକିତ୍ସାଳୟରେ ଚିକିତ୍ସା ପାଇଁ ଭର୍ତ୍ତି କରିଛନ୍ତି । ମହିଳାଙ୍କ ଶରୀରର ଗୋଡ଼, ଛାତି, ମୁଁହ ଓ ହାତ ଗଭୀର ଆଘାତ ଲାଗିଛି । ମହିଳା ଜଣଙ୍କ ଅବସ୍ଥା ଗୁରୁତର ଅଛି ବର୍ତ୍ତମାନ ପ୍ରାଥମିକ ଚିକିତ୍ସା କରାଯାଇଛି। ପରବର୍ତ୍ତୀ ସମୟରେ ମହିଳାଙ୍କ ସ୍ବାସ୍ଥ୍ୟବସ୍ଥା ଦେଖିବା ପରେ ପଦକ୍ଷେପ ନିଆଯିବ ବୋଲି ଡାକ୍ତର ସୂଚନା ଦେଇଛନ୍ତି । ସେପଟେ ମହିପୁର ବନାଞ୍ଚଳ ଅଧିକାରୀ ଘଟଣାସ୍ଥଳରେ ପହଞ୍ଚି ବାରହା ର ଗତିବିଧି ଉପରେ ନଜର ରଖିଛନ୍ତି।
