ନରସିଂହପୁର, (ଓଡ଼ିଶା ଲେଖା): ନରସିଂହପୁର ଛାଡଖାଇ ମହୋତ୍ସବର ଉଦଯାପନୀ ସନ୍ଧ୍ୟାରେ ରାଜ୍ୟ ସରକାରଙ୍କ ରାଜସ୍ବ ଓ ବପର୍ଯ୍ୟୟ ପରିଚାଳନା ମନ୍ତ୍ରୀ ସୁରେଶ ପୁଜାରୀ ମୁଖ୍ୟ ଅତିଥି ଭାବେ ଯୋଗ ଦେଇଥିଲେ । ମୁଖ୍ୟ ଅତିଥିଙ୍କ ସହ ଖଣ୍ଡପଡ଼ା ବିଧାୟକ ଦୁଷ୍ମନ୍ତ କୁମାର ସ୍ଵାଇଁ, ସ୍ଥାନୀୟ ବିଧାୟକ ବିଜୟ କୁମାର ଦଳବେହେରା, ତହସିଲଦାର ପ୍ରଳୟାନନ୍ଦ ଶତପଥୀ, ଆଇଆଇସି ଓ ଅନ୍ୟାନ୍ୟ ଅତିଥି ମାନେ ମଞ୍ଚାସିନ ହୋଇଥିଲେ ।
ଉଦଯାପନୀ ସନ୍ଧ୍ୟାରେ ରାଜ୍ୟ ସରକାରଙ୍କ ରାଜସ୍ୱ ଓ ବପର୍ଯ୍ୟୟ ପରିଚାଳନା ବିଭାଗର ସଫଳତା ସମ୍ପର୍କରେ ବକ୍ତବ୍ୟ ରଖିବା ସହ ତହସିଲ ଅଫିସରେ ଲୋକ ମାନେ କିପରି କମ ସମୟରେ ମଧ୍ୟରେ ସୁବିଧା ସୁଯୋଗ ପାଇବା ନେଇ ସରକାର ଯେଉଁ ପଦକ୍ଷେପ ନେଉଛନ୍ତି ତାହା ଆଗାମୀ ଦିନରେ ଲୋକ ମାନେ ଉପକୃତ ହୋଇପାରିବେ ବୋଲି ବକ୍ତବ୍ୟ ରଖିଥିଲେ ମନ୍ତ୍ରୀ ସୁରେଶ ପୂଜାରୀ । ଏବଂ ମହୋତ୍ସବ ହେଉଥିବା ପଡ଼ିଆକୁ ସମ୍ପ୍ରସାରଣ କରିବା ପାଇଁ ତହସିଲଦାରଙ୍କୁ ନିର୍ଦ୍ଦେଶ ଦେଇଛନ୍ତି । ଯାହାଫଳରେ ଛାଡଖାଇ ମହୋତ୍ସବ ଟି ଲୋକ ମାନେ ସୁବିଧାରେ ମହୋତ୍ସବର ମଜ୍ଜା ଉଠାଇପାରିବେ ।
ନୂଆ ବର୍ଷ ୨୦୨୬ ଠାରୁ ବିଭିନ୍ନ ଗାଁରେ ଥିବା ଗାଁ/ସାହି ଗୁଡିକୁ ନୂଆ ପଟ୍ଟା ବଣ୍ଟନ କରାଯିବ ନୋଳି ମନ୍ତ୍ରୀ ଘୋଷଣା କରିଛନ୍ତି। ସେହିପରି ଭାବେ ସାତ ଦିନରେ ଚାଲିଥିବା ଛାଡଖାଇ ମହୋତ୍ସବକୁ ଦର୍ଶକ ମାନଙ୍କ ଅନୁରୋଧ କ୍ରମେ ମହୋତ୍ସବ କମିଟି ଗୋଟିଏ ଦିନ ବଢାଇଛନ୍ତି ।
ମହୋତ୍ସବ ପଡ଼ିଆର ସମ୍ପ୍ରସାରଣ ପାଇଁ ବିଭାଗୀୟ ମନ୍ତ୍ରୀ ତହସିଲଦାରଙ୍କୁ ନିର୍ଦ୍ଦେଶ ଦେଇଥିବାରୁ ମହୋତ୍ସବ କମିଟି ପକ୍ଷରୁ କୃତଜ୍ଞତା ଜ୍ଞାପନ କରାଯାଇଛି । ସଭା ଶେଷରେ ବିଭିନ୍ନ ପ୍ରକାରର ସାଂସ୍କୃତିକ କାର୍ଯ୍ୟକ୍ରମ ପରିବେଷଣ କରାଯିବା ସହ ଓଡ଼ିଆ କଣ୍ଠଶିଳ୍ପୀ ଅନ୍ତରା ଚକ୍ରବର୍ତ୍ତୀଙ୍କ ସୁମଧୁର ଗୀତରେ ଝୂମିଥିଲେ ଦର୍ଶକ । ଅତିଥି ଓ କଳାକାର ମାନଙ୍କୁ ଛାଡଖାଇ ଯାତ୍ରା ଉତ୍ସବ କମିଟି ପକ୍ଷରୁ ମାନପତ୍ର ଓ ଉପଢ଼ୌକନ ଦେଇ ସମ୍ବର୍ଦ୍ଧିତ କରାଯାଇଛି ।
