ମିଛ ଆତଙ୍କରେ ଆତଙ୍କିତ:ଲୋକଙ୍କୁ ବିଭ୍ରାନ୍ତ କରୁଛନ୍ତି ଯୁବକ

ନୟାଗଡ଼, (ଓଡ଼ିଶା ଲେଖା): ନୟାଗଡ଼ ବଡ଼ପଣ୍ଡୁସର ରେଲୱେ ବ୍ରିଜ ନିକଟରେ ଥିବା କୁସୁମୀ ନଦୀରେ ଏକ କୁମ୍ଭୀର ଥିବା ସ୍ଥାନୀୟ ଅଞ୍ଚଳରେ ଏକ ଗ୍ରୁପ୍ ରେ ଘୁରି ବୁଲୁଛି । କୁସୁମୀ ନଦୀରେ କୁମ୍ଭୀରର ଫଟୋ ଦେଖି ସ୍ଥାନୀୟ ଅଞ୍ଚଳରେ ଆତଙ୍କିତ ଖେଳି ଯାଇଛି। ଫୋଟୋରେ କୁମ୍ଭୀରର ଆକାର ବଡ଼ ଦେଖି ସ୍ଥାନୀୟ ଲୋକଙ୍କ ମନରେ ଭୟ ଖେଳି ଯାଇଛି । ଏଡ଼େ ବଡ଼ କୁମ୍ଭୀରର ଫୋଟୋ ପ୍ରଶାସନ ପାଖରେ ଖବର ନାହିଁ, ଏହା ସତ୍ୟ ନା ମିଛ ଜାଣିବା ପାଇଁ ବନ ବିଭଗ ସାଙ୍ଗରେ ଯୋଗାଯୋଗ କରିବା ପରେ ଏବଂ ସ୍ଥାନୀୟ କିଛି ଯୁବକଙ୍କ ସହ ଆଲୋଚନା କରିବା ପରେ ଜଣାପଡ଼ିଲା ଯେ, ଏହା ସମ୍ପୂର୍ଣ୍ଣ ମିଛ ଘଟଣା । କୁସୁମୀ ନଦୀର ବଡ଼ ପଣ୍ଡୁସର ରେଲୱେ ବ୍ରିଜ ଠାରେ କୌଣସି କୁମ୍ଭୀର ନଥିବା ବିଶେଷ ସୂତ୍ରରୁ ଜଣାପଡ଼ିଛି । ତେବେ ବର୍ତ୍ତମାନ ସୋସିଆଲ ମିଡ଼ିଆ ଟ୍ରେଣ୍ଡରେ ଥିବା ” ଏଆଇ ” ଆପ୍ ରେ କେହି ଜଣେ ଯୁବକ ଏପରି ଏଡିଟିଙ୍ଗ କରି ୱାର୍ଡସ ଅଫ୍ ଗ୍ରୁପ୍ ରେ ସେୟାର କରି ଲୋକଙ୍କୁ ଭୟଭୀତ କରାଉଥିବା ଥିବା ଜଣାପଡ଼ିଛି । ରାତି ପାହିଲେ ପଞ୍ଚୁକ ଲୋକ ମାନେ ସକାଳୁ ସକାଳୁ ନଦୀ ପୋଖରୀ ଉପରେ ନିର୍ଭର କରୁଥିବା ବେଳେ କେହି ଜଣେ ଦୃବୁର୍ତ୍ତ ଲୋକଙ୍କୁ ଭୟଭୀତ କରାଇବା ପାଇଁ କିମ୍ବା ସୋସିଆଲ ମିଡ଼ିଆରେ ଭ୍ୟୁୟ ନେବା ଆଶାରେ ଏପରି ଦୁଃସାହସିକ କାର୍ଯ୍ୟ କରିଥିବା ଜଣାପଡ଼ିଛି । ତେଣୁ ସ୍ଥାନୀୟ ଅଞ୍ଚଳବସୀ ଏପରି ମିଥ୍ୟା ଗୁଜବ ଠାରୁ ଦୂରେଇ ରୁହନ୍ତୁ । ବିଶ୍ୱାସ କରନ୍ତୁ ନାହିଁ ।