ନୟାଗଡ଼, (ଓଡ଼ିଶା ଲେଖା): ନୂଆପଡ଼ା ଉପ ନିର୍ବାଚନ ପାଇଁ ନବୀନଙ୍କ ଗେମ୍ ପ୍ଲାନରେ ଯୋଡ଼ି ହୋଇଛି ସ୍ଵତନ୍ତ୍ର ତଦାରଖ କମିଟି । ଉପ ନିର୍ବାଚନ ଯେତିକି ପାଖେଇ ଆସୁଛି, ରାଜ୍ୟ ରାଜନୀତି ସେତିକି ସରଗରମ୍ ହେବାରେ ଲାଗିଛି । ତିନି ପ୍ରମୂଖ ଦଳ ବିଜେଡ଼ି, ବିଜେପି ଓ କଂଗ୍ରେସ ପ୍ରଚାର ପ୍ରସାର ଓ କ୍ୟାମ୍ପନିଗ୍ କୁ ଜୋର୍ ଦାର କରିଥିବା ବେଳେ ବିଜେଡ଼ି ସୁପ୍ରିମୋ ଆଉ ଏକ ଗେମ୍ ପ୍ଲାନରେ ନୂଆପଡ଼ା ଉପ ନିର୍ବାଚନ ପାଇଁ ସ୍ବତନ୍ତ୍ର ତଦାରଖ କମିଟି ଗଠନ କରିଛନ୍ତି । ଏହି ସ୍ଵତନ୍ତ୍ର ତଦାରଖ କମିଟିରେ ରାଜ୍ୟର ୧୭ଜଣ ବଶିଷ୍ଠ ରାଜ ନେତା ନେତ୍ରୀଙ୍କୁ ସାମିଲ୍ କରଯାଇଛି ଏବଂ ନବୀନଙ୍କ ନୂଆପଡା ଗସ୍ତ ପୁର୍ବରୁ ଟିକିନିକି ଖବର ଉପରେ ସ୍ଵତନ୍ତ୍ର ଧ୍ୟାନ ରଖିବାକୁ କୁହାଯାଇଛି । ଏହି ସ୍ଵତନ୍ତ୍ର କମିଟି ୧୭ଜଣ ସଦସ୍ୟ ସଦସ୍ୟାଙ୍କ ମଧ୍ୟରୁ ନୟାଗଡ଼ ଜିଲ୍ଲାର ଦୁଇ ରାଜ ଯୁବ ନେତାଙ୍କୁ ସାମିଲ କରଯାଇଛି ।
ନୟାଗଡ଼ ଜିଲ୍ଲା ପରିଷଦର ଅଧ୍ୟକ୍ଷ ଦେବାଶିଷ ପଟ୍ଟନାୟକ ଓ ଭାପୁର ବ୍ଲକର ବ୍ଲକ୍ ଉପାଧ୍ୟକ୍ଷ ବେଣୁଧର ପ୍ରଧାନଙ୍କୁ ସ୍ଵତନ୍ତ୍ର ତଦାରଖ କମିଟି ସାମିଲ କରଯାଇଛି । ତତ୍ ସହିତ ବରିଷ୍ଠ ପୁର୍ବତନ ବିଧାୟକ ପଦ୍ମନାଭ ବେହେରା, ଅଶୋକ ଚନ୍ଦ୍ର ପଣ୍ଡା, ମହେଶ ସାହୁ, ସୁମିତ୍ରା ଜେନା, ସୁଲୋଚନା ଦାସ, ଶର୍ମିଷ୍ଠା ସେଠୀ, ମହିଧର ରଣା, ରଘୁରାମ ପାଦଳ, ମାନସ ମାଡକାମି, ଝିନ ହିକ୍କା, ସାନନ୍ଦ ମାରାଣ୍ଡି, ରୁପେଶ କୁମାର ପାଣିଗ୍ରାହୀ, ଈଶ୍ୱର ପାଣିଗ୍ରାହୀ, ସୁବ୍ରତ ସିଂ ଓ ଦୁଷ୍ମନ୍ତ ନାୟକ ପ୍ରମୁଖ ବରିଷ୍ଠ ନେତାଙ୍କୁ ସ୍ଵତନ୍ତ୍ର ତଦାରଖ କମିଟିରେ ସାମିଲ୍ କରିଛନ୍ତି ବିଜେଡ଼ି ସୁପ୍ରିମୋ ନବୀନ ପଟ୍ଟନାୟକ ।
