ନରସିଂହପୁର, (ଓଡ଼ିଶା ଲେଖା): ସକାଳର ଦୁଃଖଦ ଖବର।ନରସିଂହପୁର ରୁ କୋଲକାତା ଯାଉଥିବା ଡଲଫିନ ବସ୍ ଦୁର୍ଘଟଣାଗ୍ରସ୍ତ । ଯାତ୍ରୀବାହୀ ବସ୍ ଦୁର୍ଘଟଣାରେ ଦୁଇ ଜଣଙ୍କର ମୃତ୍ୟୁ ହୋଇଥିବା ବେଳେ ୭ରୁ ଉର୍ଦ୍ଧ୍ବ ଗୁରୁତର ହୋଇଥିବା ଜଣାପଡ଼ିଛି । ସମସ୍ତଙ୍କୁ ନିକଟସ୍ଥ ହସ୍ପିଟାଲରେ ଭର୍ତ୍ତି କରଯାଇଛି । ମୃତକ ୨ଜଣ ହେଲେ ଡଲଫିନ ବସର ଡ୍ରାଇଭର ମୀର ଅବଦୁଲ ରହିମ୍ ଓ ହେଲପର ନୃସିଂହ କାଠୁଆ ।ସୂଚନାନୁସାରେ, ବାଲେଶ୍ଵର ଜଳେଶ୍ବର ନିକଟ ଏନ୍ଏଚ୍ ୧୬ ଲକ୍ଷ୍ମଣନାଥ ଟୋଲଗେଟ୍ ନିକଟରେ ବିଳମ୍ୱିତ ରାତିରେ ଯାତ୍ରୀବାହୀ ଡଲଫିନ ବସ୍ ଦୁର୍ଘଟଣାଗ୍ରସ୍ତ ଘଟିଛି ।
ଯାତ୍ରୀବାହୀ ବସ ଭାରସାମ୍ୟ ହରାଇ ଟ୍ରକକୁ ପଛରୁ ଧକ୍କା ଦେଇଥିଲା ।ଘଟଣାସ୍ଥଳରେ ଡ୍ରାଇଭର ଓ ହେଲପରଙ୍କ ମୃତ୍ୟୁ ହୋଇଥିବା ବେଳେ ୭ରୁ ଉର୍ଦ୍ଧ୍ବ ଗୁରୁତର ହୋଇ ନିକଟସ୍ଥ ହସ୍ପିଟାଲରେ ଚିକିତ୍ସା ହେଉଥିବା ଜଣାପଡ଼ିଛି । ମୃତକ ବସ ଚାଳକ କଟକ ଜିଲ୍ଲା ସାଲେପୁର ଅଞ୍ଚଳର ମୀର ଅବଦୁଲ ରହିମ୍(୩୯) ଓ ହେଲପର ମାହାଙ୍ଗାର ନୃସିଂହ କାଠୁଆ(୪୦) । ସମସ୍ତ ଗୁରୁତର ଜଳେଶ୍ୱର ଜିକେ ଭଟ୍ଟର ହସ୍ପିଟାଲରେ ଭର୍ତ୍ତି କରଯାଇଛି ।ଡଲଫିନ ବସ ଟି ନରସିଂହପୁର ଅଞ୍ଚଳରୁ କୋଲକାତା ଅଭିମୁଖେ ୪୦ରୁ ଉର୍ଦ୍ଧ୍ବ ଯାତ୍ରୀ ନେଇ ଯାତ୍ରା କରୁଥିଲା । ଘଟଣା ସ୍ଥଳରେ ପୋଲିସ ପହଞ୍ଚି ତଦନ୍ତ ଆରମ୍ଭ କରୁଥିବା ପ୍ରାଥମିକ ସୂଚନା ମିଳିଛି ।
