ନୟାଗଡ଼, (ଓଡ଼ିଶା ଲେଖା): ନୟାଗଡ଼ କେନ୍ଦୁଢ଼ିପିରେ ରକ୍ତମୁଖା ବିଜେପି କର୍ମୀ । ବିକାଶ କାମକୁ ବିରୋଧ କରିବା ସହ ସମିତି ସଭ୍ୟାଙ୍କ ସ୍ବାମୀଙ୍କୁ କଟୁରୀରେ ମାରାନନ୍ତକ ଆକ୍ରମଣ କରି ଜୀବନରୁ ମାରିଦେବାକୁ ପ୍ରୟାସ କରିଥିଲା ରକ୍ତମୁଖା ବିଜେପି କର୍ମୀ । ନୟାଗଡ ଜିଲ୍ଲା ଇଟିମାଟି ଥାନା କେନ୍ଦୁଢିପି ସମିତିସଭ୍ୟାତିଳୋତ୍ତମା ଗୁରୁଙ୍କ ସ୍ଵାମୀ ପ୍ରମୋଦ କୁମାର ଗୁରୁ ଏବଂ ତାଙ୍କର ଜଣେ ପୁତୁରାଙ୍କ ଉପରେ ମରଣାନ୍ତକ ଆକ୍ରମଣ ହୋଇଛି । ପୂର୍ବଶତୃତା ଏବଂ ରାଜନୈତିକ କାରଣରୁ ଏହି ଆକ୍ରମଣ କରାଯାଇଛି । କେନ୍ଦୁଢିପି ଗ୍ରାମର ଆରତ ବେହେରା ଆକ୍ରମଣର ମୁଖ୍ୟ ପୁରୋଧା ଥିବା ବେଳେ ତାଙ୍କ ସମର୍ଥକ ଉପେନ୍ଦ୍ର ଦଳବେହେରା ସହ ୪ ଜଣ ସମର୍ଥକ ଏହି ଆକ୍ରମଣ କରିଥିବା ଅଭିଯୋଗ ହୋଇଛି ।
ସୂଚନାନୁସାରେ, ନୟାଗଡ଼ ଜିଲ୍ଲା ଇଟାମାଟି ଥାନା ଅନ୍ତର୍ଗତ କେନ୍ଦୁଢ଼ିପି ପଞ୍ଚାୟତର ସମିତି ସଭ୍ୟାଙ୍କ ସ୍ଵାମୀ ପ୍ରମୋଦ ଗାଁରେ ଗୋଟିଏ ଡ୍ରେନ ନିର୍ମାଣ କରୁଥିବାବେଳେ ଆରତ ତାକୁ ବିରୋଧ କରି ଆସୁଥିଲେ । ଯାହାକୁ ନେଇ ଦୁଇ ଦିନ ତଳେ ଉଭୟଙ୍କ ମଧ୍ଯରେ ବଚସା ହୋଇଥିଲା । ଏନେଇ ଥାନାରେ ମଧ୍ଯ ଏତଲା ହୋଇଥିଲା । ଆଜି ଆରତଙ୍କ ପ୍ରରୋଚନାରେ ଉପେନ୍ଦ୍ର ୫ଜଣକୁ ନେଇ କାମ ଚାଲୁଥିବା ସମୟରେ ହଠାତ୍ ଓମପ୍ରସାଦଙ୍କୁ କଟୁରୀରେ ଆକ୍ରମଣ କରିଥିଲେ ।
ଓମପ୍ରସାଦଙ୍କୁ ରକ୍ଷା କରିବାକୁ ଯିବା ସମୟରେ ପ୍ରମୋଦଙ୍କୁ କଟୁରୀରେ ଆକ୍ରମଣ କରାଯାଇଥିଲା । ଫଳରେ ପ୍ରମୋଦଙ୍କ କାନ୍ଧ ଗଭୀର ଆଘାତ ଲାଗିଥିବା ବେଳେ ପେଟରେ ସାମାନ୍ୟ ଆଘାତ ଲାଗିଛି ଏବଂ ଓମପ୍ରସାଦଙ୍କ ମୁଣ୍ଡରେ କଟୁରୀ ଚୋଟ ପଡିଛି । ଉଭୟ ନୟାଗଡ ଜିଲ୍ଲା ମୂଖ୍ଯ ଚିକିତ୍ସାଳୟରେ ଭର୍ତ୍ତି ହୋଇଛନ୍ତି । ଦୁଇଜଣଙ୍କୁ ଜିବନରେ ମାରିଦେବାକୁ ଉଦ୍ୟମ କରାଯାଇଥିଲା ବୋଲି ପୁତୁରା ଗୁରୁ ଓମପ୍ରସାଦ ଓ ଦଦା ପ୍ରମୋଦ ପ୍ରକାଶ କରିଛନ୍ତି। ପ୍ରମୋଦଙ୍କ ଅବସ୍ଥା ସଙ୍କଟାପର୍ଣ୍ଣ ରହିଛି । ଇଟାମାଟି ପୋଲିସ୍ ଘଟଣାସ୍ଥଳରେ ପହଞ୍ଚି ଘଟଣାର ଛାନଭିନ୍ କରୁଛି ।
