ଓଡ଼ଗାଁ ଲାଉଖାଲରେ ଅଘଟଣ:ସୂଚନାଫଳକ ଭାଙ୍ଗି ନାବାଳକର ମୃତ୍ୟୁ

ନୟାଗଡ଼, (ଓଡ଼ିଶା ଲେଖା): ସରକାରୀ ସୂଚନା ଫଳକ ଭାଙ୍ଗି ଜଣେ ନାବାଳକର ମୃତ୍ୟୁ ଘଟିଛି । ମୃତ ନାବାଳକ ଜଣଙ୍କ ହେଲେ ଲାଉଖାଲ ଗାଁର ହିନ ମହାକୁଡ଼ । ସୂଚନାନୁସାରେ, ନୟାଗଡ଼ ଜିଲ୍ଲା ଓଡ଼ଗାଁ ଆଦର୍ଶ ଥାନା ଅନ୍ତର୍ଗତ ରୋହିବାଙ୍କ ପଞ୍ଚାୟତ ଲାଉଖାଲ ଗାଁର ସହଦେବ ମହାକୁଡ଼ଙ୍କ ୧୪ବର୍ଷର ନାବାଳକ ପୁଅ ସରକାରୀ ସୂଚନା ଫଳକ ଉପରେ ଠିଆ ହୋଇଥିଲେ । ତେବେ କୌଣସି କାରଣରୁ ଉକ୍ତ ସୂଚନା ଫଳକଟି ଭାଙ୍ଗି ଯିବାରୁ ନାବାଳକ ଜଣଙ୍କର ମୁଣ୍ଡ ତଳେ ମାଡ଼ ହୋଇ ଘଟଣାସ୍ଥଳରେ ପ୍ରାଣବାୟୁ ଉଡିଯାଇଥିଲା । ଏଭଳି ଅଘଟଣକୁ ନେଇ ଆଲୋଡ଼ନ ସୃଷ୍ଟି ହୋଇଥିବା ବେଳେ ଘଟଣା ସ୍ଥଳରେ ଶୋକାକୁଳ ପରିସ୍ଥିତି ଦେଖାଦେଇଛି । ନାବାଳକ ପୁଅର ଅକାଳ ମୃତ୍ୟୁରେ ପରିବାର ଲୋକ ଭାଙ୍ଗି ପଡିଛନ୍ତି ।