ନୟାଗଡ଼, (ଓଡ଼ିଶା ଲେଖା): ଜିଲ୍ଲାପରିଷଦ ସୃଜନ ସମ୍ମିଳନୀ ଗୃହରେ ଚଳିତ ବର୍ଷର ତୃତୀୟ ଜିଲ୍ଲା ଉନ୍ନୟନ ସମନ୍ଵୟ ପର୍ଯ୍ୟାଲୋଚନା ବୈଠକ ଅନୁଷ୍ଠିତ ହୋଇଯାଇଛି। ଜିଲ୍ଲା ଉନ୍ନୟନ ସମନ୍ୱୟ ପର୍ଯ୍ୟାଲୋଚନା କମିଟିର ଅଧ୍ୟକ୍ଷ କଟକ ଲୋକସଭା ସାଂସଦ ଭର୍ତ୍ତୁହରି ମହତାବଙ୍କ ଅଧ୍ୟକ୍ଷତା ଆୟୋଜିତ ବୈଠକରେ ଜିଲ୍ଲାପରିଷଦ ଅଧ୍ୟକ୍ଷ ଇଂ ଦେବାଶିଷ ପଟ୍ଟନାୟକ, ଉପାଧ୍ୟକ୍ଷା ବିଷ୍ଣୁପ୍ରିୟା ବେହେରା, ଖଣ୍ଡପଡ଼ା ବିଧାୟକ ଦୁଷ୍ମନ୍ତ କୁମାର ସ୍ଵାଇଁ, ଅତିରିକ୍ତ ଜିଲ୍ଲାପାଳ ରୋଜିନା ଦାସ ଓ ଜିଲ୍ଲା ପରିଷଦର ମୂଖ୍ୟ ଉନ୍ନୟନ ଅଧିକାରୀ ଲଗ୍ନଜିତ ରାଉତ ଉପସ୍ଥିତ ଥିଲେ । ମେଗା ପାଇପ୍ ୱ।ଟର ସପ୍ଲାଏ ଉପରେ ଦୀର୍ଘ ସମୟ ଧରି ଆଲୋଚନା କରିଥିଲେ। ଏବଂ ମେଗା ୱାଟର ସପ୍ଲାଏ ସଂସ୍ଥା ଉପରେ କ୍ଷୋଭ ପ୍ରକାଶ କରିବା ସହ ବିଭାଗୀୟ ଅଧିକ୍ଷଣ ଯନ୍ତ୍ରୀଙ୍କ ଉପରେ ବର୍ଷିଥିଲେ ଏବଂ ତୁରନ୍ତ କାର୍ଯ୍ୟ ଶେଷ କରିବାକୁ ନିର୍ଦ୍ଧେଶ ଦିଆଯାଇଛି । ସେହିପରି ଭାବରେ ପ୍ରଧାନମନ୍ତ୍ରୀ ସୂର୍ଯ୍ୟଘର ଯୋଜନା ଉପରେ ମଧ୍ୟ ଅନୁଧ୍ୟାନ କରାଯିବା ସହ ସରକାରୀ ଓ ବେସରକାରୀ ବିଦ୍ୟାଳୟ ଗୁଡ଼ିକ ଅନ୍ତର୍ଭୁକ୍ତ କରି ସବସିଡ ପ୍ରଦାନ କରାଯିବା ନେଇ, ରାଜ୍ୟ ଓ କେନ୍ଦ୍ର ସରକାରଙ୍କୁ ଅବଗତ କରାଇ ଏହା ଉପରେ ପଦକ୍ଷେପ ନେବାକୁ ପରାମର୍ଶ ଦେଇଛନ୍ତି ସାଂସଦ ଶ୍ରୀଯୁକ୍ତ ମହତାବ ।
ସେହିପରି ଭାବେ ଅଳୀହା/ଆବର୍ଜନା ବୁହା ବ୍ୟାଟେରୀ ଚାଳିତ ଗାଡ଼ି କିଣାରେ ବ୍ୟାପକ ଅନିୟମିତତା ହୋଇଥିବା ନେଇ ଗୃହରେ ତୁମ୍ବି ତୋଫାନ ହୋଇଥିଲା। ଏବଂ ବିଡ଼ିଓ ମାନେ ଏହାର ଉତ୍ତର ରଖନ୍ତୁ ବୋଲି ସାଂସଦ ଶ୍ରୀଯୁକ୍ତ ମହତାବ କହିଲା ବେଳେ, ବିଡ଼ିଓ ମାନଙ୍କ ଅନୁପସ୍ଥିତ ଯୋଗୁଁ ଉତ୍ତର ନମିଳିବାରୁ ସାଂସଦ କ୍ଷୋଭ ପ୍ରକାଶ କରିଥିଲେ। ତତ୍ ସହିତ ଦୁଇ ସପ୍ତାହ ମଧ୍ୟରେ ରିପୋର୍ଟ ଦେବାକୁ ନିର୍ଦ୍ଧେଶ ଦେଇଛନ୍ତି। କୃଷକମାନଙ୍କ ଜୀବନଧାରା ବୃତଙ୍ଗ ଜଳସେଚନ ପ୍ରକଳ୍ପ ନେଇ ଆଲୋଚନା କରାଯାଇଥିଲା କିନ୍ତୁ ସ୍ୱଳ୍ପ ସମୟ ଥିବାରୁ ଖୁବଶୀଘ୍ର ପୁନଶ୍ଚ ସ୍ଵତନ୍ତ୍ର ବୈଠକରେ ଏହା ବିସ୍ତୃତ ଭାବେ ଆଲୋଚନା କରାଯିବ । ପରିଶେଷରେ ଜିଲ୍ଲା ମୁଖ୍ୟ ଉନ୍ନୟନ ଅଧିକାରୀ ଲଗ୍ନଜିତ ରାଉତ ଧନ୍ୟବାଦ ଅର୍ପଣ କରିଥିଲେ ।
