ନରସିଂହପୁର, (ଓଡ଼ିଶା ଲେଖା): ଓଡିଶା ରାଜ୍ୟ ଆଇନ ପରିଷଦ ଦ୍ଵାରା ଅନୁ ବନ୍ଧିତ ହୋଇଥିବା ନରସିଂହପୁର ଓକିଲ ସଂଘକୁ ଆଉ ଦଳେ ବ୍ୟକ୍ତି ଓକିଲ ସଂଘ ନରସିଂହପୁର ନାମରେ ଭ୍ରମିତ କରୁଥିବାରୁ ନରସିଂହପୁର ଓକିଲ ସଂଘରେ ବିବାଦ ସୃଷ୍ଟି ହୋଇଛି । ବାସ୍ତବରେ ୧୯୯୨ ମସିହାରେ ସଂଘ ଆଇନ ୧୮୬୦ ଅନୁଯାୟୀ ନରସିଂହପୁର ଓକିଲ ସଙ୍ଘ ଆଇନ ଅନୁଯାୟୀ ପଞ୍ଜିକୃତ ହୋଇଅଛି କିନ୍ତୁ ଗତ କିଛି ବର୍ଷ ଧରି ବାର ଆସୋସିଏଶନ ନରସିଂହପୁର ନାମରେ ସମସ୍ତ ପ୍ରକାର ଚିଠି ପତ୍ର ଓ ସରକାରୀ କାର୍ଯ୍ୟାଳୟ ମାନଙ୍କ ପତ୍ର ବିନମୟ କରି ଭ୍ରମିତ କରାଯାଉଥିବାରୁ ୧୬ ଜଣ ଓକିଲ ଏହି ସଂଘ ରୁ ଇସ୍ତଫା ଦେଇ ମୂଳ ସଂଘ ନରସିଂହପୁର ଓକିଲ ସଂଘ ରେ ସାମିଲ ହୋଇ କର୍ମ କର୍ତ୍ତା ଚୟନ କରିବା ସହ ବିଭିନ୍ନ କାର୍ଯ୍ୟକଳାପ କରି ଆସୁଛନ୍ତି ।
ନରସିଂହପୁର ଓକିଲ ସଂଘର ସଭାପତି ସରୋଜ କୁମାର ସାହୁ ସମ୍ପାଦକ ଅମୀୟ କୁମାର ପଣ୍ଡା ଏକ ସାମ୍ବାଦିକ ସମିଳନୀରେ ନିଜର ପକ୍ଷ ରଖି ବାର ଆସୋସିଏଶନ ନରସିଂହପୁରକୁ ନିନ୍ଦା କରିଥିଲେ ବାର ଆସୋସିଏଶନ ନରସିଂହପୁର ଏକ ବୃତ ସଂଘ ଏହାର କୌଣସି ସରକାରୀ ପଞ୍ଜିକରଣ ହୋଇ ନାହିଁ ବାର ଆସୋସିଏଶନ ନରସିଂହପୁର ନାମରେ କୌଣସି ଓକିଲ ସଂଘ ନରସିଂହପୁର ରେ ନାହିଁ ବୋଲି ସଭାପତି ସରୋଜ କୁମାର ସାହୁ ସାମ୍ବାଦିକ ସମ୍ମିଳନୀରେ ସୂଚନା ଦେଇଛନ୍ତି ।
