ଓଡ଼ିଶା ଲେଖା ଅଫିସ୍: ରାଜ୍ୟ ପୋଲିସ୍ ମୁଖ୍ୟାଳୟ ତରଫରୁ ଏସଆଇ(ସଶସ୍ତ୍ର) ସ୍ତରରେ ପଦୋନ୍ନତି ଦିଆଯାଇଥିବା ନେଇ ବିଜ୍ଞପ୍ତି ପ୍ରକାଶ ପାଇଛି । ବିଜ୍ଞପ୍ତି ନଂ ୩୩୨୪ ରେ ୧୦୪ଜଣ ଏସଆଇଙ୍କୁ ପଦୋନ୍ନତି ଦିଆଯାଇ ବିଭିନ୍ନ ଜିଲ୍ଲା/ବାଟାଲିୟନ/ବିଭିନ୍ନ ପ୍ରାଶାସନିକ ପ୍ରତିଷ୍ଠାନକୁ ବଦଳି ଓ ସ୍ଥାୟୀତ୍ବ କରାଯାଇଛି । ତେବେ ନୟାଗଡ଼ ଜିଲ୍ଲା ରିଜର୍ଭ ପୋଲିସରେ କାର୍ଯ୍ୟରତ ସଶସ୍ତ୍ର ଏସଆଇ ବିରଞ୍ଚି ନାରାୟଣ ସାହୁଙ୍କୁ ପଦୋନ୍ନତି ଦିଆଯାଇ ରିଜର୍ଭ ପୋଲିସ ଇନ୍ସପେକ୍ଟର ଭାବେ ନିଯୁକ୍ତ କରାଯାଇଛି । ସେହିପରି ଏସଆଇ ଧନଞ୍ଜୟ ବେହେରାଙ୍କୁ ପଦୋନ୍ନତି ଦିଆଯାଇ ଢେଙ୍କାନାଳ ଜିଲ୍ଲାର ଓଏସଏପି ଫାଷ୍ଟ ବାଟାଲିୟନକୁ ବଦଳି କରାଯାଇଛି ।
ତେବେ ପୋଲିସ୍ ମୁଖ୍ୟାଳୟର ବିଜ୍ଞପ୍ତି ନଂ ୩୩୨୫ରେ ଇନ୍ସପେକ୍ଟର(ସଶସ୍ତ୍ର) ସ୍ତରରେ ୧୯ଜଣ ଇନ୍ସପେକ୍ଟରଙ୍କୁ ବଦଳି କରାଯାଇଛି। ତେବେ ନୟାଗଡ଼ ରିଜର୍ଭ ପୋଲିସ କାର୍ଯ୍ୟରତ କର୍ତ୍ତବ୍ୟନିଷ୍ଠ ପୋଲିସ ଇନ୍ସପେକ୍ଟର ବିଜୟ କୁମାର ମୁଦୁଲିଙ୍କୁ କଟକ ଓଏସଏପି ଷଷ୍ଠ ବାଟାଲିୟନକୁ ବଦଳି କରାଯାଇଛି।
ଏବଂ ବିଜ୍ଞପ୍ତି ନଂ ୩୩୨୬ରେ ଏସଆଇ(ସଶସ୍ତ୍ର) ଙ୍କ ମଧ୍ୟରେ ୪୫ଜଣଙ୍କର ଅଦଳ ବଦଳ କରାଯାଇଛି । ତେବେ ଭଞ୍ଜନଗର ରିଜର୍ଭ ପୋଲିସ କାର୍ଯ୍ୟରତ ଅଷ୍ଟମ୍ ରିଜର୍ଭ ସବ-ଇନ୍ସପେକ୍ଟର ଗୋପାଳ ଚନ୍ଦ୍ର ପ୍ରଧାନଙ୍କୁ ନୟାଗଡ ଜିଲ୍ଲାରେ ନିଯୁକ୍ତ କରାଯାଇଥିବା ନେଇ ସୂଚନା ମିଳିଛି ।
