ରାଜସ୍ଥାନ ରୟାଲ୍ସର ମୁଖ୍ୟ କୋଚ୍ ପଦରୁ ରାହୁଲ ଦ୍ରାବିଡ଼ଙ୍କ ଇସ୍ତଫା । ଏ ନେଇ ରାଜସ୍ଥାନ ରୟାଲ୍ସ ପକ୍ଷରୁ ଘୋଷଣା କରାଯାଇଛି । ମୁଖ୍ୟ କୋଚ୍ ରାହୁଲ ଦ୍ରାବିଡ଼ ଆଗାମୀ ୨୦୨୬ IPL ପୂର୍ବରୁ ଫ୍ରାଞ୍ଚାଇଜି ସହ ସମ୍ପର୍କ ଶେଷ କରିଥିବା କୁହାଯାଇଛି ।ରାଜସ୍ଥାନ ରୟାଲ୍ସର ସରକାରୀ ବିବୃତ୍ତିରେ କୁହାଯାଇଛି, ‘ମୁଖ୍ୟ ପ୍ରଶିକ୍ଷକ ରାହୁଲ ଦ୍ରାବିଡ IPL 2026 ପୂର୍ବରୁ ରାଜସ୍ଥାନ ରୟାଲ୍ସ ସହିତ ତାଙ୍କର କାର୍ଯ୍ୟକାଳ ଶେଷ କରିବେ। ରାହୁଲ ବହୁ ବର୍ଷ ଧରି ରୟାଲ୍ସର ଯାତ୍ରାରେ ଜଣେ ପ୍ରମୁଖ ଖେଳାଳି ରହିଆସିଛନ୍ତି। ତାଙ୍କ ନେତୃତ୍ୱ ଖେଳାଳିଙ୍କ ଏକ ପିଢ଼ିକୁ ପ୍ରଭାବିତ କରିଛି। ସେ ଦଳରେ ଦୃଢ଼ ମୂଲ୍ୟବୋଧ ସୃଷ୍ଟି କରିଛନ୍ତି ଏବଂ ଫ୍ରାଞ୍ଚାଇଜ ସଂସ୍କୃତିରେ ଏକ ଅସୀମ ଛାପ ଛାଡିଛନ୍ତି।’ଦ୍ରାବିଡଙ୍କ ନେତୃତ୍ୱରେ ରୟାଲ୍ସ ୨୦୧୩ରେ ଆଇପିଏଲରେ ତୃତୀୟ ସ୍ଥାନ ଓ ଚାମ୍ପିୟନ୍ସ ଲିଗ୍ ଟି-୨୦ ଫାଇନାଲରେ ପହଞ୍ଚିଥିଲା । ଗତ ଆଇପିଏଲ୍ ସିଜିନରେ ରାଜସ୍ଥାନ ରୟାଲ୍ସର ପ୍ରଦର୍ଶନ ନୈରାଶଜନକ ଥିଲା । ଦ୍ରାବିଡ଼ଙ୍କ ନେତୃତ୍ୱରେ ଦଳ ମାତ୍ର ୧୪ଟି ମ୍ୟାଚ୍ ରୁ ୪ଟି ଜିତିଥିଲା । ପଏଣ୍ଟ ଟେବୁଲରେ ନବମ ସ୍ଥାନରେ ରହିଥିଲା । ଖରାପ ପ୍ରଦର୍ଶନ ସହ ଦ୍ରାବିଡ଼ ପାଦରେ ଆଘାତ ଯୋଗୁଁ ଅଧିକାଂଶ ସମୟ ହ୍ୱିଲଚେୟାରରେ ରହିଥିଲେ, ଯାହା ତାଙ୍କ କୋଚିଂ ଦାୟିତ୍ୱକୁ ଆହୁରି କଷ୍ଟକର କରିଥିଲା । ଫ୍ରାଞ୍ଚାଇଜି ରାହୁଲଙ୍କୁ ଆଉ ଏକ ବଡ଼ ଦାୟିତ୍ବ ଦେଇଥିଲା, କିନ୍ତୁ ଦ୍ରାବିଡ଼ ଏହା ଗ୍ରହଣ ନ କରିବାକୁ ନିଷ୍ପତ୍ତି ନେଇଛନ୍ତି ।
ରାଜସ୍ଥାନ ରୟାଲ୍ସର ହେଡ୍ କୋଚ୍ ପଦରୁ ରାହୁଲ ଦ୍ରାବିଡ ଇସ୍ତଫା
