ନୟାଗଡ଼, (ଓଡ଼ିଶା ଲେଖା): ରାଜ୍ୟ ପୋଲିସ ଡ୍ୟୁଟି ମିଟ୍ରେ ଉଲ୍ଲେଖନୀୟ ସଫଳତା ହାସଲ କରିଛନ୍ତି ନୟାଗଡ଼ ଜିଲ୍ଲା ପୋଲିସରେ କାର୍ଯ୍ୟରତ ଏସ୍ଆଇ ସ୍ୱାଗତ ଦାସ। ରାଜ୍ୟ ଅପରାଧ ଅନୁସନ୍ଧାନ ବିଭାଗ ଓ କ୍ରାଇମ୍ବ୍ରାଞ୍ଚ (CID-CB), ଓଡ଼ିଶା ପକ୍ଷରୁ ଆୟୋଜିତ ୭୧ତମ ରାଜ୍ୟ ପୋଲିସ ଡ୍ୟୁଟି ମିଟ୍ରେ ସେ ଦୁଇଟି ବିଷୟରେ ସଫଳତା ହାସଲ କରି ନିଜ ଦକ୍ଷତାର ପରିଚୟ ଦେଇଛନ୍ତି ଏସ୍ଆଇ ଶ୍ରୀଯୁକ୍ତ ଦାସ।ରଣପୁର ଥାନା ଅଧୀନସ୍ଥ ରାଜସୁନାଖଳା ଆଉଟ୍ପୋଷ୍ଟର ଭାରପ୍ରାପ୍ତ ଅଧିକାରୀ ଭାବେ କାର୍ଯ୍ୟରତ ଏସ୍ଆଇ ସ୍ୱାଗତ ଦାସ ଫରେନସିକ୍ ବିଜ୍ଞାନ ଓ ଅପରାଧ ତଦନ୍ତ ବିଷୟରେ ଦ୍ୱିତୀୟ ସ୍ଥାନ ଏବଂ ଆଇନ, ନିୟମାବଳୀ ଓ ପ୍ରକ୍ରିୟା/ଅଦାଲତଙ୍କ ରାୟ ସମ୍ବନ୍ଧୀୟ ବିଷୟରେ ତୃତୀୟ ସ୍ଥାନ ଅଧିକାର କରିଛନ୍ତି। ଏସ୍ଆଇ ସ୍ୱାଗତଙ୍କ କୃତିତ୍ୱ ଅର୍ଜନ କରିଥିବା ନେଇ ନୟାଗଡ଼ ଆରକ୍ଷୀ ଅଧିକ୍ଷକ ଶୁଭେନ୍ଦୁ ପାତ୍ର ଶୁଭେଚ୍ଛା ଜଣାଇଛନ୍ତି ଏବଂ ନୟାଗଡ଼ ପୋଲିସ ପକ୍ଷରୁ ମଧ୍ୟ ଶୁଭେଚ୍ଛାର ସୁଅ ଛୁଟିବାରେ ଲାଗିଛି । ପୋଲିସ ବିଭାଗରେ ବୃତ୍ତିଗତ ଦକ୍ଷତା, ଅପରାଧ ଅନୁସନ୍ଧାନର ଜ୍ଞାନ ଏବଂ ଆଇନଗତ ପ୍ରକ୍ରିୟା ସମ୍ପର୍କିତ ଜ୍ଞାନର ଗୁରୁତ୍ୱକୁ ଏହି ସଫଳତା ପ୍ରତିପାଦିତ କରୁଛି। ଏସ୍ଆଇ ସ୍ୱାଗତ ଦାସଙ୍କ ଏହି କୃତିତ୍ୱ ପୋଲିସ ବିଭାଗ ପାଇଁ ଗୌରବର ବିଷୟ।
ରାଜ୍ୟ ପୋଲିସ ଡ୍ୟୁଟି ମିଟ୍ରେ ଏସ୍ଆଇ ସ୍ୱାଗତଙ୍କ କୃତିତ୍ୱ
