ଭଦ୍ରକ, (ଓଡ଼ିଶା ଲେଖା): ପୂର୍ବତନ ମୁଖ୍ୟମନ୍ତ୍ରୀ ତଥା ବିରୋଧୀ ଦଳ ନେତା ନବୀନ ପଟ୍ଟନାୟକଙ୍କ ନିର୍ଦ୍ଦେଶ କ୍ରମେ ପୂର୍ବତନ ମନ୍ତ୍ରୀ ତଥା ନୟାଗଡ଼ ବିଧାୟକ ଡ଼ ଅରୁଣ କୁମାର ସାହୁ ଧାମନଗର ବ୍ଲକ ଦୋବଲ ଅଞ୍ଚଳରେ ଚଳିତ ବର୍ଷର ଚତୁର୍ଥ ବନ୍ୟାର ସ୍ଥିତି ପରିଦର୍ଶନ କରିଛନ୍ତି। ଗେଙ୍ଗୁଟି ନଦୀବନ୍ଧରେ ନିକଟରେ ପହଞ୍ଚି ବନ୍ୟାବିପନ୍ନଙ୍କ ସହ ସାକ୍ଷାତ କରି ସେମାନଙ୍କ ଦୁଃଖ, ସମସ୍ୟା ଓ ଆବଶ୍ୟକତା ସମ୍ପର୍କରେ ଆଲୋଚନା କରିଥିଲେ।
ବିପଦ ସମୟରେ ଲୋକଙ୍କ ସହ ଠିଆ ହୋଇ ସେମାନଙ୍କ ସମସ୍ୟା ବୁଝିବା ଓ ସହଯୋଗର ହାତ ବଢ଼ାଇବା ହିଁ ଆମର ପ୍ରାଥମିକତା ଡ଼ ସାହୁ ପ୍ରକାଶ କରିଥିଲେ। ଅରୁଣଙ୍କ ଗସ୍ତ ସମୟରେ ଚାନ୍ଦବାଲି ବିଧାୟକ ଡ଼. ବ୍ୟୋମକେଶ ରାୟ, ଭଣ୍ଡାରିପୋଖରୀ ବିଧାୟକ ସଞ୍ଜୀବ ମଲ୍ଲିକ, ବିଜୁ ଜନତା ଦଳର ଧାମନଗର ନିର୍ବାଚନମଣ୍ଡଳୀ ନେତା ଡାକ୍ତର ସଞ୍ଜୟ ଦାସଙ୍କ ସମେତ ବିଭିନ୍ନ ନିର୍ବାଚିତ ପ୍ରତିନିଧି ଏବଂ ଜିଲ୍ଲା, ବ୍ଲକ ଓ ଏନ୍ଏସି ସ୍ତରୀୟ ନେତୃବୃନ୍ଦଙ୍କ ସହ ଉପସ୍ଥିତ ଥିଲେ।
