ଜିଲ୍ଲା ମୁଖ୍ୟ ଚିକିତ୍ସାଳୟରେ ରୋଗୀଙ୍କ ଠାରୁ ଅର୍ଥ ଶୋଷଣ ଘଟଣା:ଜିଲ୍ଲା କଂଗ୍ରେସର ଅଭିନବ ପ୍ରତିବାଦ

ନୟାଗଡ଼, (ଓଡ଼ିଶା ଲେଖା): ନୟାଗଡ଼ ମେଡିକାଲରେ ଚିକିତ୍ସା ପାଇଁ ଡାକ୍ତର ଙ୍କ ଠାରୁ ସ୍ୱାସ୍ଥ୍ୟକର୍ମୀ ଯାଏଁ ସମସ୍ତେ ରୋଗୀ ମାନଙ୍କ ଠାରୁ ଜବରଦସ୍ତ ଅର୍ଥଲୁଟ କରି ଶୋଷଣ ବିରୁଦ୍ଧରେ କଂଗ୍ରେସ ସିପାହୀଙ୍କ ଅଭିନଵ ପ୍ରତିବାଦ ପ୍ରୟାସ କାରାଯାଇ ନୟାଗଡ଼ ଜିଲ୍ଲା ମୁଖ୍ୟ ଚିକିତ୍ସାଳୟରେ ଚିକିତ୍ସା ପାଇଁ ରୋଗୀ ମାନଙ୍କ ଠାରୁ ଟଙ୍କା ମାଗନ୍ତୁ ନାହିଁ ଲେଖାଥିବା ପୋଷ୍ଟର ସିଡିଏମଓଙ୍କ ପ୍ରକୋଷ୍ଠ, ଏଡିଏମଓ ମେଡିକାଲ, ବିଭିନ୍ନ ଅସ୍ତ୍ରୋପ୍ରଚାର ଗୃହ, ଓପିଡି ଜରୁରୀ ଚିକିତ୍ସା ଏବଂ ଡାକ୍ତରଖାନା ପ୍ରମୁଖ ସ୍ଥାନ ମାନଙ୍କରେ ମରାଯାଇଛି । କିଛି ନିର୍ଦ୍ଧିଷ୍ଟ ଘରୋଇ ହସ୍ପିଟାଲ ମାଲିକ ମାନଙ୍କ ଠାରୁ ମୋଟା ଅଙ୍କର ମୁନଫା ଖାଇ ଏଡିଏମଓ ମେଡିକାଲ ଡାକ୍ତର ସୁଶାନ୍ତ ବେହେରା ବିଭିନ୍ନ ବିଭାଗରେ ସ୍ୱାସ୍ଥ୍ୟକର୍ମୀ ମାନଙ୍କୁ ଦାୟିତ୍ୱ ଦେଇ ଜରୁରୀ ରୋଗୀ ମାନଙ୍କୁ ସେହି ଘରୋଇ ହସ୍ପିଟାଲ ମାନଙ୍କୁ ସ୍ଥାନାନ୍ତର କରାଯାଉ ଥିବା ଜିଲ୍ଲା କଂଗ୍ରେସ ସଭାପତି ରଣଜିତ ଦାଶ ଅଭିଯୋଗ କରିଛନ୍ତି । ଡାକ୍ତରଖାନାରେ ପ୍ରଶାସନିକ ଅବ୍ୟବସ୍ଥା ଦେଖା ଦେବା ଫଳରେ ଡାକ୍ତର ଏବଂ ସ୍ୱାସ୍ଥ୍ୟକର୍ମୀ ମାନେ ପ୍ରଚୁର ଟଙ୍କା ଆଦାୟ କରୁଥିବା ବେଳେ ଧରା ପଡୁଛନ୍ତି । ଡାକ୍ତର ମାନେ କ୍ଲିନିକ ନର୍ସିଙ୍ଗହୋମ ଖୋଲି ପ୍ରତି ରୋଗୀପିଛା ଡାକ୍ତରୀ ଫିସ ୪୦୦ ଟଙ୍କା ନେଇ ଶୋଷଣ କରି ଚାଲିଛନ୍ତି । ଯାହାକୁ ଜବରଦସ୍ତ ବିରୋଧ କରିଵା ପାଇଁ ପ୍ରସ୍ତୁତି ଚାଲିଥିବା କଂଗ୍ରେସ ପକ୍ଷରୁ ପ୍ରେସବାର୍ତ୍ତାରେ ସୂଚନା ଦେଇଛି। ଡିସିସି ସାଧାରଣ ସମ୍ପାଦକ ଆଇନଜୀବୀ ପୀତବାସ ଖୁଣ୍ଟିଆ, କୂଳେଶ ମହାନ୍ତି, ଜିଲ୍ଲା ଛାତ୍ର କଂଗ୍ରେସ ସଭାପତି ଶିବରଞ୍ଜନ ସାହୁ, ଓମପ୍ରକାଶ ପ୍ରଧାନ, ସୋସିଆଲ ମେଡ଼ିଆ ସୁରେନ୍ଦ୍ର ନାଏକ ସମେତ ଜେନ-ଜି ଛାତ୍ର ମାନେ ଏହି ଅଭିନଵ ପ୍ରତିବାଦ ରେ ସାମିଲ ଥିଲେ ।