ନୟାଗଡ଼, (ଓଡ଼ିଶା ଲେଖା): ନୟାଗଡ଼ ଜଳ ସେଚନ ବିଭାଜନ ପକ୍ଷରୁ ଜିଲ୍ଲାପାଳଙ୍କ କାର୍ଯ୍ୟାଳୟ ପରିସରରେ ପାଣି ପଞ୍ଚାୟତ ସପ୍ତାହ-୨୦୨୬ ରଥ ଉଦଘାଟନ ହୋଇଯାଇଛି। ନୟାଗଡ଼ ଜିଲ୍ଲାପାଳ ମଧୁମିତା ରଥ ମୁଖ୍ୟ ଅତିଥି ଭାବେ ଯୋଗ ଦେଇ ଚଳିତ ବର୍ଷର ପାଣି ପଞ୍ଚାୟତ ସପ୍ତାହ ସଚେତନତା ରଥର ଉଦଘାଟନ କରିଛନ୍ତି ।
ପାଣି ପଞ୍ଚାୟତ ସପ୍ତାହ ଜାନୁଆରୀ ୬ତାରିଖରୁ ୧୩ତାରିଖ ପର୍ଯ୍ୟନ୍ତ ଏହି ସପ୍ତାହ ପାଳନ କରାଯିବ । ଏହି ରଥ ଜିଲ୍ଲାର ୮ଟି ବ୍ଲକ ପରିକ୍ରମା କରି ଲୋକଙ୍କୁ ପାଣି ପଞ୍ଚାୟତ ସଂମ୍ପର୍କରେ ସଚେତନ କରିବାର କାର୍ଯ୍ୟକ୍ରମ ରହିଛି ।
ଆଜିର ଏହି କାର୍ଯ୍ୟକ୍ରମରେ ନୟାଗଡ଼ ଜଳସେଚନ ବିଭାଜନର ଅଧିକ୍ଷଣ ଯନ୍ତ୍ରୀ ଇଂ ବୈକୁଣ୍ଠ ନାଥ ଦଳେଇ, ସହକାରୀ ନିର୍ବାହୀ ଯନ୍ତ୍ରୀ ଇଂ ଶିବ ଶଙ୍କର ବେହେରା, ଶରଣକୁଳ ସହକାରୀ ନିର୍ବାହୀ ଯନ୍ତ୍ରୀ ଇଂ ତୃପ୍ତିମୟୀ ନାୟକ, ଦଶପଲ୍ଲା ସହକାରୀ ନିର୍ବାହୀ ଯନ୍ତ୍ରୀ ଇଂ ସୁମିତ କୁମାର ଜେନା, କନିଷ୍ଠ ଯନ୍ତ୍ରୀ ଇଂ ସଂଜିତ୍ କୁମାର ସାହୁ, ଇଂ କ୍ଷୀରୋଦ କୁମାର ଜାଲ୍ଲି ପ୍ରମୁଖ ଉପସ୍ଥିତ ଥିଲେ ।
