ସଡ଼କ ଦୁର୍ଘଟଣା ସଚେତନତା:ଦେବଦୂତ ସେବା ପରିଷଦର ନିଆରା ଉଦ୍ୟମ

ନୟାଗଡ଼, (ଓଡ଼ିଶା ଲେଖା): ରାଜରାସ୍ତାରେ ଅଧିକାଂଶ ଗାଈଗୋରୁ, ଷଣ୍ଢ ପ୍ରଭୁତି ପଶୁମାନେ ବିଚରଣ କରିବା ହେତୁ ରାତ୍ର ସମୟରେ ଗାଡ଼ି ଚାଳକ ମାନେ ଦେଖି ନପାରି ବହୁତ ଗୁଡ଼ାଏ ଦୁର୍ଘଟଣା ମାନ ଘଟୁଥିବାର ଦେଖି ଦେବଦୂତ ସେବା ପରିଷଦର ସଦସ୍ୟ ମାନେ ମିଶି ଜନ୍ମାଷ୍ଟମୀ ଠାରୁ ପ୍ରାୟ ୫ଦିନ ଧରି ନୟାଗଡ଼ ଜଗନ୍ନାଥ ମନ୍ଦିର ଠାରୁ ଇଟାମାଟି ପର୍ଯ୍ୟନ୍ତ ଏବଂ ବଲାଙ୍ଗୀ ବନ୍ଧ ଠାରୁ ନୟାଗଡ଼ ସ୍ୱୟଂ ଶାସିତ ମହାବିଦ୍ୟାଳୟ ପର୍ଯ୍ୟନ୍ତ ରାଜରାସ୍ତାରେ ବୁଲୁଥିବା ପ୍ରାୟ୧୫୦ରୁ ଉର୍ଦ୍ଧ ଗୋରୁ ମାନଙ୍କ ବେକରେ ରେଡିୟମ ଫିତା ପିନ୍ଧାଇଛନ୍ତି। ଏହାଦ୍ୱାରା ଅନ୍ୟାୟାଶା ରେ ଦୁର୍ଘଟଣା ଗ୍ରସ୍ତ ହେଉଥିବା ନିରୀହ ପଶୁଗୁଡ଼ିକର ରକ୍ଷା କରାଯାଇପାରିବ ବୋଲି ସମସ୍ତ ସଦସ୍ୟ ମତ ବ୍ୟକ୍ତ କରିବା ପରେ ଅନୁଷ୍ଠାନର ସଭାପତି ଉମାକାନ୍ତ ମହାପାତ୍ର ଓ ସମ୍ପାଦକ ପ୍ରଭୁଦତ୍ତ ପ୍ରଧାନଙ୍କ ନିର୍ଦେଶ କ୍ରମେ ସମସ୍ତେ ଏକତ୍ରିତ ହୋଇ ଏହି କାର୍ଯ୍ୟକ୍ରମ ସମ୍ପାଦାନ କରିଛନ୍ତି।ଦେବଦୂତ ସେବା ପରିଷଦର ଏପରି ସଚେତନତାକୁ ବୁଦ୍ଧିଜୀବୀ ମହଲରେ ପ୍ରଶଂସା କରାଯାଇଛି ।