ନୟାଗଡ଼, (ଓଡ଼ିଶା ଲେଖା): ନୟାଗଡ଼ ଜଗନ୍ନାଥ ମନ୍ଦିର ନିକଟରେ ଆଜି ସକାଳୁ ଘଟିଛି ଅଘଟଣ। ନିମିଷକେ ଜଳି ଗଲା ଇଭି ଗାଡ଼ି। ଅଳ୍ପକେ ବଞ୍ଚିଗଲେ ଚାଳକ । ସୂଚନାନୁସାରେ, ନୟାଗଡ଼ ନୂଆ ବସ୍ ଷ୍ଟାଣ୍ଡରୁ ପୁରୁଣା ବସ୍ ଷ୍ଟାଣ୍ଡ ଅଭିମୁଖେ ଏକ ଇଭି ମଟର ସାଇକେଲ ଆସୁଥିବା ବେଳେ ଜଗନ୍ନାଥ ମନ୍ଦିର ନିକଟରେ ଇଭି ଗାଡ଼ି ହଠାତ୍ ଜଳିବାକୁ ଲାଗିଲା। ଚାଳକ ଜନଙ୍କ ନିଆଁ ଲିଭାଇବାକୁ ଚେଷ୍ଟା କରି ବିଫଳ ହେବାରୁ ଗାଡ଼ି ଛାଡ଼ି ଦେଇଥିଲେ। ତେବେ ଇଭି ଗାଡ଼ି ଟି ହୁତୁ ହୁତୁ ହୋଇ ଜଳିବାରୁ ସ୍ଥାନୀୟ ଲୋକ ରୁଣ୍ଡ ହୋଇଥିବା ଦେଖିବାକୁ ମିଳିଛି। ଚାଳକ ଜଣକ ବିପଦରୁ ଅଳ୍ପକେ ବର୍ତ୍ତି ଯାଇଥିବା ଆଲୋଚନା ହେଉଛି। ତେବେ କାହିଁକି ଓ କଣ ପାଇଁ ଇଭି ଗାଡ଼ି ଜଳିଗଲା ତାହା ତଦନ୍ତ ହେଲେ ଜଣାପଡ଼ିବ। ଆପଣ ମାନେ ଯଦି ଇଭି ଗାଡ଼ି ବ୍ୟବହାର କରୁଛନ୍ତି କିମ୍ବା ଛାତ୍ର ଛାତ୍ରୀ ମାନଙ୍କୁ ଦେଉଛନ୍ତି ତେବେ ସାବଧାନତା ଅବଲମ୍ବନ କରନ୍ତୁ। ଇଭି ଗାଡ଼ି କେତେବେଳେ କିଛି ଘଟିଯାଇପାରେ !
