ଇନ୍ସପେକ୍ଟର ସ୍ତରକୁ ପଦୋନ୍ନତି ପାଇଥିବା ଅଧିକାରୀଙ୍କ ବଦଳି:ନୟାଗଡ଼ରୁ ୯ଗଲେ, ଆସିଲେ ୧୩ ଇନ୍ସପେକ୍ଟର

ନୟାଗଡ଼, (ଓଡ଼ିଶା ଲେଖା): ଓଡ଼ିଶା ପୋଲିସରେ ଇନ୍ସପେକ୍ଟର ସ୍ତରରେ ବଡ଼ ଧରଣର ବଦଳି କରାଯାଇଛି । ଓଡ଼ିଶାର ୪୭୫ଜଣଙ୍କ ପୋଲିସଙ୍କର ବିଭିନ୍ନ ଜିଲ୍ଲାକୁ ବଦଳି କରାଯାଇଛି । ପୋଲିସ ଏସଆଇ ପାହ୍ୟାରୁ ଇନ୍ସପେକ୍ଟର ପାହ୍ୟାକୁ ପଦୋନ୍ନତି ପାଇଥିବା କର୍ମଚାରିଙ୍କ ବଦଳି ହୋଇଛି । ନୟାଗଡ଼ ଜିଲ୍ଲା କଥା ଦେଖି ପଢ଼ିବା ତେବେ ନୟାଗଡ଼ ଜିଲ୍ଲାରେ କାର୍ଯ୍ୟରତ ପୋଲିସ ଏସଆଇ ୧୧ଜଣଙ୍କୁ ଅକ୍ଟୋବର ମାସରେ ଇନ୍ସପେକ୍ଟର ପାହ୍ୟାକୁ ପଦୋନ୍ନତି ଦିଆଯାଇଥିଲା । ପୋଲିସ ମୁଖ୍ୟାଳୟର ଚିଠି ନଂ ୩୪୮୩ରେ ପ୍ରକାଶ ପାଇଥିଲା ବିଜ୍ଞପ୍ତିରେ ୯ଜଣ ପଦୋନ୍ନତି ପାଇଥିବା ଇନ୍ସପେକ୍ଟରଙ୍କୁ ନୟାଗଡ଼ ଜିଲ୍ଲାରୁ ଅନ୍ୟ ଜିଲ୍ଲାକୁ ବଦଳି କରାଯାଇଥିବା ବେଳେ ୨ଜଣ ଇନ୍ସପେକ୍ଟରଙ୍କୁ ନୟାଗଡ଼ ଜିଲ୍ଲାରେ ଥଇଥାନ କରଯାଇଛି । ଇନ୍ସପେକ୍ଟର ଶିବରଞ୍ଜନ ଶିଂହାଙ୍କୁ କନ୍ଧମାଳ, ସଞ୍ଜୟ କୁମାର ପରିଡ଼ାଙ୍କୁ ଏସଓଜି ଭୁବନେଶ୍ଵର, ପ୍ରିତିପ୍ରକାଶ ମହାନ୍ତିଙ୍କୁ ଜଗତସିଂହପୁର, ଶ୍ରଦ୍ଧା ନାୟକଙ୍କୁ ଖୋର୍ଦ୍ଧା ଜିଲ୍ଲାକୁ ବଦଳି କରାଯାଇଥିବା ବେଳେ ସ୍ନେହଲତା ପ୍ରଧାନଙ୍କୁ କଳାହାଣ୍ଡି, ସନ୍ତୋଷ କୁମାର ଦାସ ଓ ଧର୍ମେନ୍ଦ୍ର ଶିଆଳଙ୍କୁ ସ୍ପେଶାଲ ବ୍ରାଞ୍ଚକୁ ବଦଳି ହୋଇଛି । ସେହିପରି ଗୋପବନ୍ଧୁ ମଲ୍ଲିକଙ୍କୁ ରାୟଗଡ଼ା, ବିରଞ୍ଚି ନାରାୟଣ ଅମ୍ମାତଙ୍କୁ ଭଦ୍ରକ ଜିଲ୍ଲାକୁ ବଦଳି କରାଯାଇଥିବା ବେଳେ ବିନୟ କୁମାର ପରିଡ଼ା ଓ କୃତିବାସ ହରିଚନ୍ଦନଙ୍କୁ ପୁନଃ ନୟାଗଡ଼ ଜିଲ୍ଲାରେ ଥଇଥାନ କରାଯାଇଛି ।  ସେହିପରି ବିଭିନ୍ନ ଜିଲ୍ଲାରୁ ନୟାଗଡ଼ ପୋଲିସ୍ ଓ ନୟାଗଡ଼ ପୋଲିସ୍ ପ୍ରଶିକ୍ଷଣ ସ୍କୁଲରେ ୧୩ଜଣ ଇନ୍ସପେକ୍ଟରଙ୍କୁ ନିଯୁକ୍ତ କରାଯାଇଛି। ପୋଲିସ କମିଶରେଟରୁ ଇନ୍ସପେକ୍ଟର ମିନତୀ କୁମାରୀ ନାୟକ ଓ ସ୍ଵୟଂ ପ୍ରକାଶ ମହାନ୍ତି, ସୁବର୍ଣ୍ଣପୁର ଜିଲ୍ଲାର ଟଙ୍କଧର ଛତ୍ରିଆ, ଯାଜପୁର ଜିଲ୍ଲାର ଅଜୟ ସାହୁ, ପୁରୀ ଜିଲ୍ଲାର ସଂଘମିତ୍ରା ଚାନ୍ଦ, ପ୍ରିୟତମା ପ୍ରଧାନ ଓ ଲିଜା ମଲ୍ଲିକଙ୍କୁ ନୟାଗଡ଼ ପୋଲିସରେ ନିଯୁକ୍ତ କରାଯାଇଛି । ଦେଓଗଡ଼ ଜିଲ୍ଲାର ଧୋବେଇ ଗଡ଼ନାୟକ, ଗଜପତି ଜିଲ୍ଲାର କୃଷ୍ଣଚନ୍ଦ୍ର ମଲ୍ଲିକ, ବ୍ରହ୍ମପୁରର ଜୟନାଥ ପ୍ରଧାନ, କଳାହାଣ୍ଡିର କୃତିବାସ ପୂଜାରୀ, କଟକ ର ରତ୍ନାକର ପ୍ରଧାନ ଓ ଖୋର୍ଦ୍ଧା ଜିଲ୍ଲାର ପ୍ରମୋଦ କୁମାର ନାୟକଙ୍କୁ ନୟାଗଡ଼ ପୋଲିସ ପ୍ରଶିକ୍ଷଣ ସ୍କୁଲରେ ନିଯୁକ୍ତ ମିଳିଥିବା ନେଇ ରାଜ୍ୟ ପୋଲିସ ମୁଖ୍ୟାଳୟରୁ ପ୍ରକାଶ ପାଇଥିବା ବିଜ୍ଞପ୍ତିରୁ ସୂଚନା ମିଳିଛି ।