ନରସିଂହପୁର, (ଓଡ଼ିଶା ଲେଖା): ନରସିଂହପୁର ପୋଲିସ ପ୍ରଶାସନ ତତ୍ତ୍ଵବଧାନରେ ଛାଡ଼ଖାଇ ମହୋତ୍ସବ ପାଇଁ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଯାଇଛି। ଆଜିର ଏହି ପ୍ରସ୍ତୁତି ବୈଠକରେ ମୁଖ୍ୟଅତିଥି ଭାବେ ସ୍ଵାଧୀନ ବିଧାୟକ ବିଜୟ କୁମାର ଦଳବେହେରା ଯୋଗ ଦେଇ ଆଲୋଚନାରେ ସାମିଲ୍ ହୋଇଥିଲେ । ବିଧାୟକ ଶ୍ରୀଯୁକ୍ତ ଦଳବେହେରା ଛାଡଖାଇ ମହୋତ୍ସବକୁ ନିଜେ, ହାତକୁ ନେଇ ପ୍ରଶାସନ ସହ ମିଶି ମହୋତ୍ସବ କରାଯିବ ବୋଲି ନିଷ୍ପତ୍ତି ହୋଇଛି। ସ୍ଥାନୀୟ ଜନ ପ୍ରତିନିଧି, ସ୍ଥାନୀୟ ଅଞ୍ଚଳର ଗ୍ରାମବାସୀମାନେ, ସ୍ଥାନୀୟ ପ୍ରଶାସନ ସହଯୋଗ ରେ ଏହି ମହୋତ୍ସବ ଅନୁଷ୍ଠିତ ହେବ। ଆସନ୍ତା ନଭେମ୍ବର ୫ ତାରିଖରେ କାର୍ତ୍ତିକ ପୂର୍ଣ୍ଣିମା ବୋଇତ ବନ୍ଦାଣ ଉତ୍ସବ ରୁ ନରସିଂହପୁର ଛାଡ଼ଖାଇ ମହୋତ୍ସବ ପ୍ରତିବର୍ଷ ଭଳି ଚଳିତ ବର୍ଷ ମଧ୍ୟ ଅନୁଷ୍ଠିତ ହେବ ।
ନରସିଂହପୁର ଥାନା ପରିସରରେ ଥିବା ତ୍ରିନାଥ ମେଳାରୁ ଏହି ମହୋତ୍ସବ ସୃଷ୍ଟି ହୋଇଥିବା ବେଳେ ଏହାକୁ ଚଳିତ ବର୍ଷ ଠାରୁ ଅଧିକ ଅନୁଦାନ ଅଣାଯିବ। ଏବଂ ନଭେମ୍ବର ୬ତାରିଖ ରୁ ଧୂମ୍ ଧାମ ରେ ଛାଡ଼ଖାଇ ମହୋତ୍ସବ ପାଳନ କରାଯିବ। ଥାନାରେ ଏନେଇ ପ୍ରସ୍ତୁତି ବୈଠକ ବସି ବିଧାୟକ ବିଜୟ କୁମାର ଦଳବେହେରାଙ୍କର ନେତୃତ୍ୱରେ ସରକାରୀ ସ୍ତରରେ ଭବ୍ୟ ଢଙ୍ଗ ରେ କରାଯିବ। ରାଜ୍ୟ ସ୍ତରୀୟ ବିଭିନ୍ନ ସିନେ କଳାକାର, ଓଡିଶା ସରକାରଙ୍କର ବିଭିନ୍ନ ବିଭାଗର ମନ୍ତ୍ରୀଙ୍କ ଆଗମନ କରାଯିବା ସହ ନରସିଂହପୁର ଭାଇଚାରାର ସହରରେ ଛାଡ଼ଖାଇ ମହୋତ୍ସବକୁ ବଡ଼ ଏକ ମହୋତ୍ସବର ରୂପ ଦେବା ପାଇଁ ସମସ୍ତ ଙ୍କର ସହଯୋଗ ଆବଶ୍ୟକ ବୋଲି ବିଧାୟକ ଶ୍ରୀଯୁକ୍ତ ଦଳବେହେରା ମତବ୍ୟକ୍ତ କରିଥିଲେ। ମହୋତ୍ସବ କମିଟିର ସଭାପତି ତହସିଲଦାର ପ୍ରଳୟା ନନ୍ଦ ଶତପଥୀ ଓ ସମ୍ପାଦକ ଥାନାଧିକାରୀ ଭବାନୀ ଶଙ୍କର ଖୁଣ୍ଟିଆ ପ୍ରମୁଖ ଉପସ୍ଥିତ ଥିଲେ। କମିଟିର ସମସ୍ତ ସଦସ୍ୟ/ସଦସ୍ୟା ଉପସ୍ଥିତ ରହି ଆଲୋଚନାରେ ସାମିଲ୍ ହୋଇଥିଲେ ।
